Isa 44 | Ndebele | STEP | Kodwa khathesi zwana, Jakobe nceku yami , lawe Israyeli engikukhethileyo.

1 Kodwa khathesi zwana, Jakobe nceku yami ^a, lawe Israyeli ^b engikukhethileyo. 2 Itsho njalo INkosi umenzi wakho ^c lombumbi wakho kusukela esiswini ^d, ezakusiza: Ungesabi ^e, Jakobe, nceku yami ^f, lawe Jeshuruni ^g engikukhethileyo ^h. 3 Ngoba ngizathela amanzi ⁱ phezu kwakhe owomileyo, lezikhukhula emhlabathini owomileyo; ngizathela umoya wami ^j phezu kwenzalo yakho, lesibusiso sami phezu kwembewu yakho ^k. 4 Bazahluma phakathi kotshani ^l, njengeminyezane ^m ngasezifuleni zamanzi ⁿ. 5 Omunye uzakuthi: Mina ngingoweNkosi; lomunye azibize ngebizo likaJakobe, lomunye abhale esandleni sakhe ^o ukuthi: NgingoweNkosi; azibonge ngebizo likaIsrayeli ^p.

6 Utsho njalo uJehova, inkosi yakoIsrayeli, loMhlengi wakhe ^q, iNkosi yamabandla: Ngingowokuqala njalo ngingowokucina ^r; njalo ngaphandle kwami kakho uNkulunkulu ^s. 7 Njalo ngubani ongabiza njengami ^t, akumemezele, angihlelele khona, kusukela ngimisa ^u abantu bendulo? Lezinto ezizayo ^v, lezizakuza, kabazimemezele kubo. 8 Lingatshaywa luvalo, lingesabi; kangikuzwisanga yini ^w kusukela ngalesosikhathi ^x, ngakumemezela? Njalo lina lingabafakazi bami ^y. Kukhona yini uNkulunkulu ngaphandle kwami ^{z
,} ^{aa
,} ^ab? Yebo, kalikho elinye iDwala ^ac; kangilazi.

Ngezithombe

9 Bonke ababumba izithombe ezibaziweyo bayize ^ad, lezinto zabo ezithandekayo kazisizi lutho; labo bangabafakazi babo ^ae, kababoni, kabazi ^af; ukuze bayangeke. 10 Ngubani obumbe unkulunkulu, loba wabumba ngokuncibilikisa isithombe esibaziweyo esingasizi lutho ^ag? 11 Khangela, bonke abangane bakhe bazayangeka ^ah; lababazi bangababantu; kababuthane bonke, basukume; bazakwesaba, bayangeke kanyekanye.

12 Umkhandi wensimbi ^aiukhanda ihloka, asebenze emalahleni ^aj, alibumbe ngezando ^ak, alisebenze ngamandla engalo yakhe; yebo, alambe, aze aphele amandla; kanathi manzi, aze adinwe. 13 Umbazi welula intambo yokulinganisa, adwebe ngosungulo, asenze ngezancele, asidwebe ngekhampasi, asenze ngomfanekiso womuntu, ngokobuhle bomuntu, ukuze sihlale endlini. 14 Uzigamulela imisedari, athathe umsayiphuresi* lesihlahla se-okhi*, aziqinisela zona ^al phakathi kwezihlahla zegusu, ahlanyele ifiri*, lezulu liyikhulise. 15 Kuzakuba-ke ngokomuntu ukuthi akubase ^am, njalo uzathatha kukho, othe; yebo akubase, abhake isinkwa; yebo enze unkulunkulu, amkhonze, enze isithombe esibaziweyo, akhothame kuso ^an. 16 Atshise ingxenye yakho emlilweni; ngengxenye yakho adle inyama, ose amawoso asuthe; yebo, uyotha athi: Alala! ngiyakhudumala, ngiwubonile umlilo ^ao. 17 Njalo okuseleyo kwakho akwenze kube ngunkulunkulu, kube yisithombe sakhe esibaziweyo; akhothame kuso ^ap, akhonze, akhuleke kuso ^aq athi: Ngophula, ngoba ungunkulunkulu wami. 18 Kabazanga, kabaqedisisanga ^ar; ngoba ebhade amehlo abo ukuze bangaboni; lenhliziyo zabo ukuze bangaqedisisi. 19 Kakho ocabanga ^{▼▼ ocabanga: Heb obuyela.} enhliziyweni yakhe, njalo kakulalwazi njalo kakulakuqedisisa kokuthi: Ngibasile ingxenye yakho emlilweni, yebo ngibhake isinkwa phezu kwamalahle akho, ngosa inyama, ngayidla; kambe ngizakwenza insali yakho isinengiso yini? Ngizakhothamela okwesihlahla ^at yini? 20 Udla umlotha ^au; inhliziyo ekhohlisiweyo ^av imphambule, okokuthi angekhulule umphefumulo wakhe njalo kathi: Kakulamanga yini esandleni sami sokunene ^aw? 21 Khumbula lezizinto, Jakobe, lawe Israyeli, ngoba uyinceku yami ^ax; ngikubumbile, uyinceku yami ^ay. Wena Israyeli, kawuyikukhohlwa yimi. 22 Ngesule ^az iziphambeko zakho njengeyezi elinzima ^ba, lanjengeyezi izono zakho; buyela kimi, ngoba ngikuhlengile ^bb.

INkosi ingumhlengi kaIsrayeli

23 Hlabelelani, lina mazulu ^bc, ngoba iNkosi ikwenzile; memezani, zindawo eziphansi zomhlaba ^bd; qhamukani lihlabele ^{be
,} ^bf, zintaba, gusu, laso sonke isihlahla esiphakathi kwakho ^bg; ngoba iNkosi imhlengile uJakobe ^bh, yazidumisa koIsrayeli ^bi. 24 Itsho njalo iNkosi, uMhlengi wakho ^bj, leyakubumba kwasesiswini ^bk: NgiyiNkosi eyenza zonke izinto; eyendlala amazulu, mina ngedwa ^{bl
,} ^bm; eyeneka umhlaba ^{bn
,} ^bo ngokwami ^bp; 25 efubisa izibonakaliso zabaqambimanga ^bq; yenze ^{br
,} ^bs izanuse zihlanye ^bt; ebuyisela emuva abahlakaniphileyo; yenze ulwazi lwabo lube yibuthutha ^bu; 26 eqinisa ilizwi lenceku yayo; ifeze amacebo ezithunywa zayo; ethi kuyo iJerusalema: Uzahlalwa; lemizini yakoJuda ^bv: Lizakwakhiwa; futhi ngizavusa amanxiwa ayo; 27 etshoyo enzikini: Tshana ^bw; njalo ngizakomisa imifula yakho; 28 etshoyo ngoKoresi ^bx: Ungumelusi wami, uzaphelelisa intokozo yami yonke ^by; ithi lakuJerusalema ^bz: Kayakhiwe; lethempelini: Isisekelo sakho kasibekwe.